Cebu City– Lima ang patay sa pag implementar sa One Time Big Time Operation sa Police Regional Office 7 sa dakbayan ug probinsya sa Sugbo.
Ang mga namatay ang gikan sa Sitio Tunga, Brgy Tangke dakbayan sa Talisay.
Ang mga namatay ang giila nga sila si Sherwin Daguson, Wayne Bongga, Jate Bongga, Cresencio Rapanan ug Weaven Vinculado.
Matud ni Police Chief Inspector Ardy Cabagnot, ang deputy chief sa Talisay City PNP nga ang mga namatay ang nalakip sa listahan sa mga newly identified drug pushers sa kapulisan diin gipaubos kini nila ug surveillance ingon man test buy.
Sa dihang nag positibo, nag apply dayon ug search warrant ang kapulisan batok kanila.
Tataw pa ni Cabagnot nga 11 ka mga tawo ang subject sa ilang search warrant apan matud pa nga nisukol ang lima hinungdan nga nahitabo ang shoot out ug miresulta sa pagkakalas sa ilang kinabuhi.
