Cebu City- Nanghinol og pribadong bahin sa lawas ang usa ka taxi driver ngadto sa iyahang 20-anyos nga pasahero, nga taga Urgello.
Giila ang driver nga si Jose Engco, 50 anyos, taga Cogon Pardo, nga nihangyo sa iyahang pasahero nga iyahang hikapon.
Depensa niini nga nisugot kini sa ilahang gikasabutan.
Nahitabo ang insidente sa Jones Avenue, Cebu City, nga sigon pa gi-ablihan sa pasahero ang iyahang short ug nagpahikap.
Human sa panghitabo gihatud na kini sa driver, ug ni plite og P100, ubos sa plite sa metrosan nga P112.
Nasikop ang driver human ma trace ang plate number niini human nga midangop ang biktima sa Police Station 2.
Matud pa nga natingala ang maong driver sa dihang gisikop kini apan wala niya gihimakak ang maong akusasyon.
Sabay sa maong panghitabo nangayo og pasaylo ang driver sa nabuhat niini ug nanghinaot nga dili pasakaan og kaso.
