CEBU CITY-Nadawat na gayud sa Vicente Sotto Memorial Medical Center ang 50 million pesps nga gisaad ni Presidente Rodrigo Duterte alang sa Malasakit Center nga iyahang gisaad niadtong buwan sa Pebrero sa iyahang pag anhi sa Sugbo.
Gidawat mismo sa kadagkuan sa VSMMC ang tseke nga gitunol ni Special Assistant to the President Secretary Bong Go ang maong kwarta.Matud pa nga ang kwarta ang gamiton alang sa mga indigent nga muduol sa mga tambalanan aron nga magpatambal .
Ang malasakit center nga gibutang sa maong tambalanan maoy mag silbing one stop shop alang sa mga indigents nga magproseso sa ilahang claims ingon man discount sa ilang pagpatambal sa maong tambalan.
Gawas sa Sugbo plano usab karon sa Office of the Presidential Assistant for the Visayas nga e extend usab ngadto na sa uban pang lugar sama sa Bohol, Iloilo, Talisay ug sa mga main areas sa Visayas.
Matud pa usab ni Secretary Go nga unta dugay na kini nga na implement aron dili na mag antos pa ang mga kabus hilabi na sa ilang pagpatambal.
