CEBU CITY — Sugdan karong adlawa ang 500-day countdown sa dili pa handumon ang ikakinientos nga anibersaryo sa “Kadaugan sa Mactan” sa dakbayan sa Lapu-Lapu.
Kini pinaagi sa managlahing mga aktibidad kalabot na sa paghandum sa pagkamabayanihon ni Lapu-Lapu.
Magsugod kin pinaagi sa pag-abot sa mga “balangay” o karaang mga baroto sa Mactan Channel ug sundan kini sa paghalad og wreath laying ceremony ug pagpasiga sa giant lantern sa Lapu-Lapu Shrine.
Ipahigayon usab sa hapon ang selebrasyon sa Hoops Dome sa susamang dakbayan diin ipasigarbo ngadto sa publiko ang pagka-abunda sa kultura ug kasaysayan pinaagi sa usa ka mabulukon nga cultural show.
Matud ni Dr. Rene Escalante, ang chairperson sa National Historical Commission of the Philippines (NHCP) nga ipakita sa pagsugod sa countdown ang pagkagamhanan sa mga Sugbuanon, sama lang sa nabuhat sa bayani nga si Lapu-Lapu.
Samtang gibutyag usab sa mayor sa dakbayan nga si Junard “Ahong” Chan gipangandaman pag-ayo ang maong kasaulugan aron mahimo kining magmalampuson.
Usa sa mga gilaumang mobisita alang sa kick-off celebration mao si Tourism Secrertary Bernadette Romulo-Puyat.
Ipahigayon ang Quincentennial (500th) Anniversary celebration kartong March 15, 2021 diin gipildi ni Lapu-Lapu ang kongkistador nga si Ferdinand Magellan.
