CEBU CITY-Mukabat kapin sa 5,000 ka mga operator ug mga drayber sa public utility jeepneys (PUJs) ang mawad-an ug igong inadlaw nga kita gumikan sa pagtrabaho sa unang hugna sa Cebu Bus Rapid Transit (CBRT) project magsugod sa operasyon sa Hunyo ning tuiga.
Matud ni, Regional Director Eduardo Montealto, Jr., sa Land Transportation Franchising and Regulatory Board (LTFRB)-7, niingon nga moabot sa 2,526 ka mga operator ug 2,658 ka mga drayber ang maapektuhan sa unang hugna sa CBRT project.
Gugikan kay ang usa ka linya sa maong karsada gigahin alang sa BRT, ug dili madugay limitado nalang sa duha ka lane ang agian sa PUJ nga maoy makaapekto sa ilang gidaghanon sa mga biyahe.
Dugang pa ni Montealto tungod sa maong problima tagaan ug financial nga ayuda ang mga driver ug operator apan sa pagkakarun nagpadayun sa gihapon ang pagtuki sa mga mahimung guidelines pinaagi sa buhatan sa Department of Transportation (DOTr) ug gitataw na wala pay tukma nga kantidad kung pila ang madawat sa mga driver ug operator.
