51-anyos nga sad-an sa kamatayon sa duha ka indibidwal sa Barangay Guadalupe, tulo ka kaso ang giatubang

CEBU CITY-Nangayo og pasaylo ang sad-an sa kamatayon sa duha ka indibidwal ug laing duha ka naangol human nga nabangga sa van sa Barangay Guadalupe dakbayan sa Sugbo.

Giila ang drayber sa van nga si Felizardo Pasague Base, 51-anyos taga Donsol, Sorsogon.

Sa pakighinabi sa Bombo Radyo Cebu News Team kang Base, daw nawad-an kini og kontrol sa iyang brake ug wala na kini nakasenyas sa mga motorista sa unahan sa wala pa nahitabo ang disgrasya.

Ingon man nga wala’y plano nga moikyas ang sad-an ug gani andam kini niyang serbisyohan.

Subay niini, kasong reckless imprudence resulting in double homicide, serious physical injuries, ug damage to properties ang gihikay kang Base nga iyang atubangon.