51 ka tawo patay human mibuto sa minahan sa Iran

IRAN-Patay ang labing menos 51 ka mga tawo human sa pagbuto sa usa ka minahan sa silangang Iran.

Kapin sa 20 usab ang naangol sa insidente nga nahitabo sa lalawigan sa South Khorasan.

Sa inisyal nga imbestigasyon kay adunay methane gas explosion sa duha ka block sa minahan sa Tabas.

Sumala sa gobernador sa Khorasan nga si Javad Ghenaatzadeh adunay kinatibuk-an nga 69 ka mga tawo sulod sa minahan.

Sa pagkakaron, padayon pa ang imbistigasyon sa mga otoridad sa nasangpit nga insidente.