Cebu City- Mukabat na sa 55 ang nakalas sa gibansagang killer landslide sa Brgy Tina-an, dakbayan sa Naga, probinsya sa Sugbo.
Matud ni Mr Baltazar Tribunalo Jr , ang incident command post commander ug mnao usab ang lawbaw sa Provincial disaster risk reduction and amanagement office sa Sugbo, nga padayon gihapon ang ilang pagpangita sa mga gikatahapang nalubong nga buhi sa nahitabuan sa insidente.
Bisan ug matud pa nga gamay na lamang ang posibilidad nga duna pa sila’y marescue nga buhi, matud ni Tribunalo nga malaumon gihapon sila nga duna pay buhi naa sa ilawom sa midahili nga yuta hilabi na kadtong mga nagppuyo sa lig-on nga istruktura.
Naa pa usab sa kapin 30 ang mga gipangita nga gituohang natabunan sa yuta ug mga dagkong bato.
Ipatud usab sa katapusang kapahulayan ang 21 ka mga patayng lawas nga na rekober sa mga rescuers. Kadaghanan sa mga nangamatay ang gikan sa pamilyang Campanilla diin 16 gayud ka buok ang dungan nga gihaya.
Hugot usab nga gimonitor karon ang kahimtang sa panglawas sa mga residente nga kasamtangan anaa sa 6 ka mga evacuation centers human nga nag positibo sa hugaw kon fecal coliform ang ilang supply sa tubig.
