BARILI, CEBU-Naangol ang usa ka 56-anyos nga mag-uuma human gitigbas sa iyang silingan tungod sa panaglalis bahin sa uling.
Ang insidente nahitabo sa Purok Orchid, Barangay Cabcaban, Lungsod sa Barili, habagatan-kasadpan sa Sugbo sa Sabado, Setyembre 9, 2023.
Giila sa kapolisan ang biktima nga si Felipe Geromo Natinga, minyo, residente sa nahisgutang lugar, samtang si Eduardo Abarquez Canaña, 62, usa usab ka mag-uuma, maoy gitumbok nga suspek.
Si Natinga nakaangkon og samad sa iyang duha ka bukton.
Nagkanayon ang Barili Police Station nga lango sa ilimnong makahubog ang suspek dihang nahitabo ang insidente.
Ang anak sa biktima nipahibawo kanila bahin sa insidente alas 5:30 sa hapon.
Dugang pa, nga naghimo og uling si Natinga sa dihang gitigbas siya sa suspek nga walay pagduha-duha.
Daling gidala si Canaña sa Barili District Hospital aron matambalan.
Nasikop ang suspek sa iyang pinuy-anan atol sa follow-up operation.
Apan gahapon Lunes sa buntag nakagawas na si Canaña sa prisohan, human nga gipasaylo sa biktima ug misugot nga bayran ang iyang bayronon sa tambalalang ug ubang tambal.
