Giigo sa magnitude 6.0 nga linog ang kadagatan duol sa Cagwait, Surigao del Sur pag taknasa alas 10:32 sa gabii niadtong adlawng Sabado, Oktubre 11, 2025.
Kini ang gitaho sa Department of Science and Technology – Philippine Institute of Volcanology and Seismology (DOST-Phivolcs) diin gisuta nga usa kini ka tectonic quake ng nahimutang ang epicenter sa 22 kilometros gikan sa Cagwait nga may mabaw nga gilawmon sa 10 kilometros.
Sumala sa ahensya nga nasinati ang Intensity IV sa Davao City ingon ma sa mga lungsod sa Cagwait ug Carmen sa lalawigan sa Surigao del Sur.
Samtang Intensity III ang nasinati sa Bislig City, Surigao del Sur, ug Mati City, Davao Oriental.
Nakatala sab og Instrumental Intensity IV sa Cabadbaran City, Agusan del Norte; Nabunturan, Davao de Oro; Hinunangan, Southern Leyte; and Tandag City, Surigao del Sur ingon man Intensity III sa San Fernando, Bukidnon; Digos City, Davao del Sur; Abuyog, Leyte; Gingoog City, Misamis Oriental; Malungon, Sarangani;og pipila ka bahin sa Southern Leyte ug Surigao del Sur.
Sukad sa maong inisyal nga linog, way hunong nga mga aftershocks ang natala sa ahensya og gpanglantawan nga padayon kini mupahinabo og pagtay-og.
Gipahimangnuan ang publiko nga magbabiling alerto tungod sa ipila ka hulga sa kadaot nga dala sa katalagman.
