JAPAN-Gikatahong unom ka mga flights ang gikanselar samtang laing 201 ang na-delayed sa Japanese airport niadtong weekend human nawala ang usa ka paresan sa gunting sa usa ka tindahan duol sa boarding gates.
Duha ka oras nga gisuspende ang security check sa New Chitose Airport domestic terminal sa Hokkaido niadtong Sabado sa buntag rason nga gatusang mga biyahidor ang temporaryong na-stranded.
Gi-anunsyo sa Hokkaido Airport, ang operator sa New Chitose airport, nga napalgan ra ang gunting sa usa sa mga trabahante sa tindahan.
Sigon sa mga otoridad, wala gilayon sila magpahibalo hangtud nga ilang nakumpirmar nga ang gunting nga nakit-an ug nawala mao ra.
Gimanduan sa Ministry of Land, Infrastructure, Transport and Tourism ang Hokkaido Airports nga imbestighan ang hinungdan sa pagkawala sa gunting ug likayan na nga mahitabo pa kini pag-usab.
