CEBU CITY – Dul-an sa 6 million nga kantidad sa shabu ang nasakmit sa kapulisan sa ilahang gipahigayun nga buybust operation sa Sitio Panaghi-usa, Barangay Duljo Fatima, dakbayan sa Sugbo kagabii.
Ang subject sa maong operasyon mao sila si Joseph Peralo Oralde, 44 anyus ug ang igsu-un niini nga Peligrino Oralde kinsang pulus napatay sa mga otoridad human nga giingung mipabutu ug duha ka higayun ngadtu sa mga operatiba.
Samtang nalandig usab sa tambalanan ang kauban sa duha nga si Israel Patunob alyas Ace, 37 anyus.
Nakuha sa mga otoridad ang 500 grams nga shabu nga nagkantidad ug 5.9 million pesos, buybust money nga P400,000, usa ka .38 revolver ug duha ka .45 kalibre nga pistola.
Gipanguluhan ang maong operasyon sa Police Regional Drug Enforcement Unit 7 ubus sa superbisyon ni Police Supt. Glenn Mayam ingun man sa Police Station 11 nga gipanguluhan ni Police C/Insp Randy Caballes.
Gitu-uhan ni Police Supt. Mayam nga tibu-uk Central Visayas ang transaksyon sa mga subject.
Hinu-un, padayun pa kini nila nga gisuta.
