6 patay sa pagkahugno sa building sa South Africa

Gikatahong anaa sa 6 ka mga tawo ang patay human nahugno ang usa ka multi-story building sa George City, South Africa.

Samtang anaa sa 26 ka mga indibidwal ang naluwas sa mga rescuers gikan sa nahugno nga bahin sa maong edipisyo.

Kahinumduman nga sa unang taho, labing menos 40 ka mga tawo ang natanggong sa maong building.

Ingon man nga nagpaabot ang Presidente sa South Africa nga si Cyril Ramaphosa sa iyang pahasubo sa mga biktima ug nagpasalig sa tabang alang kanila.

Subay niini, giingong molanat pa og pipila ka adlaw una mapagawas sa mga rescuer ang mga nahibiling biktima sa nahugno nga building.