Gidid-an sa kagamhanan sa Dakbayan sa Sugbo, ang mga dagkong truck nga maglatas sa Bacayan Bridge, sa Talamban, gumikan sa dakong kadaot nga gibilin ni Bagyong Tino sa lugar.
Matud ni Cebu City Mayor Nestor Archival, nga usa sa pinaka dakong hagit sa siyudad karon mao ang problema sa mga taytayan hilabi na sa mga bridge nga latasan sa North Cebu, gumikan sa nasinating “deviation” niini.
Gikabalak-an usab sa Mayor ang posibleng pagkadelatar sa pagkolekta sa basura matag adlaw diin mokabat sa 600 tons sa mga basura, hinungdan nga mihangyo kini sa mga Army nga tabangan sila sa pagkuha sa mga debri nga anaa sa ilawom sa bridge nga maoy usas hinungdan nga makadaot sa taytayan.
Nakig-alayon usab sila sa Department of Public Works and Highways aron nga suportahan sila nga magbutang support sa bridge aron malikayan ang dakong kadaot.
Dugang usab niini nga nakig-alayon usab ang kagamhanan kang Senator Kiko Pangilinan, aron sa pagpangayu ug suporta alang sa dugang hinabang alang sa mga residente nga naapektuhan sa Bagyong Tino, hilabi na sa mga nahimutang sa danger zone areas.
Gibana-bana nga mokabat sa 15,000 ka mga pamilya ang nawad-an og mga panimalay doul sa mga kasapaan ug daplin sa baybayon.
