CEBU CITY-Padugta na ang lawas sa 60-anyos nga usa ka Korean national sulod sa iyang giabangan nga Apartelle nahimutang sa Brgy. Mabolo ning dakbayan sa Sugbo.
Giila ang biktima nga si Jong Taek Yun, ulitawo ug usa ka South Korean National.
Matud sa landlord sa maong Apartelle nga sa dihang nanglimpyo kini sa hallway sa maong edipisyo kay nakapanimaho kini og lain nga baho gikan sa kwarto sa biktima.
Hinungdan nga iya kining gi-lili ug didto nakit-an niini nga wala na’y kinabuhi ang langyaw nga anaa sa salog nga walay panapton sa lawas.
Daling nitawag og rescuers ang landlord ug nasuta nga anaa na sa tate of decomposition ang patayng lawas sa Korean national hinungdan nga nitawag nalang og taga SOCO.
Ingon man nga walay nakitang timailhan nga adunay foul play ang kamatayon ni Yun.
Gidudahan nga basin og namatay lang sa sakit ang langyaw samot na nga magsigi nalang kini og inom og wala na’y gawas-gawas sa iyang kwarto.
