NIGERIA- Labing menos 60 ka mga tawo ang namatay human naunlod ang usa ka bangka nga gisakyan kadaghanan sa mga babaye ug mga bata nga namauli gikan sa usa ka relihiyosong pista sa amihanang estado sa Niger sa Nigeria.
Samtang 160 ka tawo usab ang naluwas human ang sakayang kahoy gisakyan ug dul-an sa 300 ka mga pasahero ug nalunod sa Suba sa Niger libot sa Gbajibo Community, matud ni Jibril Abdullahi Muregi, tsirman sa Mokwa local government area.
Dugang pa, nga ang barko mibalik sa Gbajibo gikan sa Mundi pagkahuman sa tinuig nga selebrasyon sa Maulud sa dihang nahitabo ang katalagman ug gipadayon pa ang rescue operations.
Wala pa matino kon nganong nalunod ang barko.
Apan, gipanglatawan nga ang huot ug dili maayo nga pagmentinar sa maong sakyanan maoy responsable sa kadaghanang mga aksidente sa barko sa Nigeria.
