CEBU CITY-Adunay 6,000 ka-studyante ang qualified sa Cebu City Scholarship Program (CCSP) alang sa academic year 2023-2024 diin duha kini ka pursyento nga mas ubos kon i-tandi sa nilabay nga school year 2022-2023.
Sigun pa ni Judy Concepcion Navarrete, executive director sa CCSP, gi-gahinan og budget nga P276.1 million ang umaabot nga school year.
Gipalapdan ni Navarrete nga ang mga scholars mag mintinar og grado aron maka padayun sa beneficiary program.
Ang maong scholarship program wala nag limit sa bisan unsa nga kurso apan kini mag-agad sa resulta sa career path examination
Kini nga examination adunay tulo ka kategorya, diin ang Baccalaureate 1 alang sa lima tuig nga kurso, ang Baccalaureate 2 alang sa upat ka tuig nga kurso ug ang Ladderized Program alang sa duha ka tuig nga kurso.
Ang maong mga benepisyaryo makapili sa 22 ka mga skwelahan diin libre ang tuition fee apil pa ang transportation ug supplies allowance gikan sa kagamhanan sa dakbayan.
