CEBU CITY- Gikatakdang modunggo sa Sugbo sulod sa upat ka semana sugod Oktubre 15, 2024 ang MV Doulos Hope nga usa ka international floating library.
Ang maong barko kay adunay kapin 2,000 ka mga lain-laing klase sa libro ug mga educational materials matud pa sa project coordinator niini.
Maglangkob kini sa mga genre nga children’s books, fiction ug non-fiction, leadership books, business, philosophy, history ug uban pa ang anaa sa barato nga presyo.
Matud pa nga gipagdumalaan kini sa usa ka German-based nga charity group nga Good Books for All nga nagtumong sa mas halapad nga reading habits sa katawhan.
Ang maong barko adto modunggo sa Cebu City Pier 5 sa Cebu Port Authority (CPA) karong Oktubre 15 ug magpabilin didto hangtod sa Nobiyembre 10.
Dugang pa, abli kini sa publiko gikan sa Martes hangtod sa Domingo gikan sa 1:00 sa udto hangtod 8:30 sa gabii.
