CEBU CITY-Nasikop sa mga kapulisan sa dakbabayan sa Sugbo ang usa ka lalaki human kini nangawat og mga sienna suldo sa usa ka souvenir store doul sa Basilica Minore del Sto. Niño niadtong Nobyembre 9, 2024.
Giila ang dinakpan nga si Christian Apuya Duran, 25-anyos, ulitawo ug gikan pa sa Sitio San Antonio, Brgy Leon Garica, dakbayan sa Davao sa Mindanao.
Nasayran nga gipuslit sa suspek ang anaa sa dose (12) ka mga t-shirt sa maong souvenir store og migawas sa maong dapit nga wala giagi sa cashier.
Hinungdan nga daling nanawag sa mga naka roving nga mga sakop sa kapulisan sa maong dapit ang mga tindero ug tindera hangtod sa nasikop kini.
Muakabat sa kapin P3,500 ang balor sa nakawat sa dinakpan nga daling giimbentaryo sa mga awtoridad.
Kasong shoplifting (theft) ang atubangon niini nga dakong kalapasan sa lagda sa balaod.
