Nisaka na sa 69 ang patay sa nagpadayon nga baha ug landslide nga miigo sa Sri Lanka samtang nagpadayon ang operasyon sa pagluwas sa mga otoridad.
Gipahibalo sa Disaster Management Centre (DMC) nga adunay 34 ka indibidwal nga gihapon gi-report nga missing samtang gatusan pa ka mga residente ang naghulat og tabang sa mga sundalo, navy, ug air force.
Naglibot ang mga helikopter ug mga sakayan sa navy aron kuhaon ang mga biktima nga natanggong sa atop, tumoy sa kahoy, ug mga tulay naputol sa kalit nga pagtaas sa tubig.
Labaw sa 3,000 ka balay ang nadaot ug kapin sa 18,000 ka katawhan ang napugos pagpabalhin ngadto sa mga temporaryong evacuation centers.
Pinakagrabe ang hitabo sa sentral nga rehiyon diin daghang biktima ang gilubong nga buhi human maigo sa landslide.
Mipadala usab og mensahe sa kalooy si Indian Prime Minister Narendra Modi sa katawhan sa Sri Lanka ug misiguro nga nagpadala na ang Delhi og ayuda ngadto sa mga apektadong lugar.
