MUMBAI, INDIA-Duha patay samtang anaa sa lima ang gikatahong missing human natikyaob ang usa ka ferry nga adunay gibana-banang sakay nga 85 ka mga tawo sa Gateway sa India sa Mumbai.
Matud sa opisyal sa Brihanmumbai Municipal Corporation nga ang lima sa 77 nga mga naluwas kay anaa sa talandugon nga kahimtang.
Sa pagkakaron, padayon ang gihimo nga search operation alang sa nahabilin nga nawala nga mga tawo pinaagi sa hiniusang operasyon sa Mumbai Police, Indian Navy, Indian Coast Guard, ug Jawaharlal Nehru Port Trust (JNPT).
Ingon man nga adunay tulo ka mga bangka sa pulisya gikan sa Yellow Gate Police Station ug lokal nga mga barko sa pangisda kay miduyog usab sa pagtabang sa operasyon.
Wala pa matumbok ang hinungdan sa maong insidente sanglit apil na ang mga otoridad sa rescue operation ug pagpangita sa mga survivor.
