Niigo ang usa ka kusog nga 7.4 magnitude nga linog ang gahapong adlawa, Sabado, duol sa silangang baybayon sa rehiyon sa Kamchatka sa Russia, ang U.S. Geological Survey nagtaho.
Ang epicenter sa linog anaa sa 111.7 kilometros (69.3 milya) silangan sa Petropavlovsk-Kamchatsky, ug adunay giladmon nga 39 kms, sumala sa USGS.
Sa maong linog, walay diha-diha nga mga taho sa mga adunay samad o dagkong kadaot.
Samtang ang Pacific Tsunami Warning System daklit nag-ingon nga adunay hulga sa usa ka posible nga tsunami gikan sa linog apan sa ulahi gipapas ang hulga gikan sa website niini.
Ang Japan Meteorological Agency usab nag-ingon nga ang mga pasidaan gi-isyu sa mga lugar sa baybayon bahin sa gamay nga pagbag-o sa lebel sa dagat, apan nagpasabut kana nga gamay ra ang posibilidad sa kadaot.
Kahinomdoman nga ang Kamchatka Peninsula sa Russia naigo sa lima ka kusog nga linog – ang pinakadako nga adunay magnitude nga 7.4 – kaniadtong Hulyo 20, 2025.
