PROVINCE OF CEBU- Naluwas ang siyete anyos nga bata sa walay kaluoy nga pagtigbas patay sa iyahang amahan sa iyahang tibuok pamilya sa syudad sa Naga kini human nga anaa kini sa eskuylahan niadtong adlawa o gahapon Lunes, Enero 27, 2025.
Kung diin, ang iyahang magulang nga 11-anyos patay usab human nga wala kini motungha sa skwelahan tungod sa sakit sa ngipon.
Subay niini, nihimo og lakang ang City Social Welfare and Development Officer sa Dakbayan sa Naga Cebu, nga ‘psychological evaluation’ kagahapon human nga nahitabo ang insidente.
Sa pakighinabi sa Bombo Newsteam kang Maria Brenda Gabato, sa CSWDO City of Naga Cebu, kini nga lakang naglangkob sa usa ka serye sa pormal o structured nga psychological o neuropsychological nga mga pagsulay ingon man mga klinikal nga mga interbyu nga gidesinyo sa pag-ila ug paghulagway sa emosyonal, pamatasan, o mga problema og pagkat-on sa bata.
Kana aron ilahang masuta kung unsa ang sunod nga lakang nga ilahang pagabuhaton kung ipabilin ba kini sa Center o iuli sa ilahang pamilya o kaliwat sa iyahang ginikanan.
Gihatagan niini ug gibug-aton nga lahi ang kinabuhi sa Center, hinungdan nga ilahang gipanglantawan nga iuli kini sa iyahang mga kaliwat ilabi na nga wala usab makasaksi ang bata sa linuog nga pagpatay sa iyahang amahan sa iyahang inahan ug duha ka igsuon.
Una niini, nasikop na ang walay puangod nga amahan nga nitigbas patay sa iyang kaugalingong asawa ug duha ka mga anak sulod sa ilang panimalay sa Purok Kamangahan, Barangay Lutac, dakbayan sa Naga, Southern Cebu pasado alas 10 sa buntag Lunes, Enero 27, 2025./
Giila ang mga biktima nga sila si Junelyn Jimenez, 32 anyos, ug iyang duha ka anak nga sila si John 11 anyos ug LJ, 2 anyos.
Samtang ang suspek giila nga si Carlo Camporedondo, kinsa gikatahong anaa sa impluwensya sa ilegal nga drugas.
Tungod sa samad pinusilan nga iyang naangkon, ang suspek daling gidala sa duol nga tambalanan ug gi-confine pa siya alang sa pagtambal sa iyang samad.
