7-anyos nga babayeng estudyante patay sa pagdunggab sulod sa tunghaan

ZAGREB, CROATIA-Patay ang 7-anyos nga batang babaye samtang walo ang naangol human sila gidunggab sa usa ka elementary schol sa Zagreb, Croatia.

Basi sa imbestigasyon sa mga otoridad, usa ka 19-anyos nga suspek ang nisulod sa first-grade classroom sa Precko Elementary School.

Una niyang giatake ang magtutudlo ug pipila ka estudyante gamit ang kutsilyo.

Pipila sa mga nabiktima nga magtutudlo anaa sa talandugon nga kahimtang busa padayon silang nagpaalim sa mga tambalanan.

Gitanggong na usab sa kapolisan ang suspek human kini masikop.

Ingon man nga nakurat si Croatian Prime Minister Andrej Plenkovic sa maong insidente ug mipasalig kini nga mahatagan og tabang ang mga biktima.