CEBU CITY — Gikumpirmar ni Cebu Provincial Governor Gwendolyn Garcia nga pito sa mga jail guards sa Cebu Provincial Detention and Rehabilitation Center (CPDRC) ang nagpositibo sa COVID-19.
Atol sa public briefer niini kagabii, nagkanayon si Garcia nga gipang-isolate na ang maong mga jail guards isip kabahin sa mga health protocols.
Base sa report ni Garcia gikan sa Department of Health (DOH), nadugangan og 108 ka mga bag-ong kaso sa dakbayan sa Sugbo, upat gikan sa Lapu-Lapu, ug tulo sa Mandaue City.
Sumala pa sa mga reports gikan sa tagsa-tagsa ka PIOs, nagagikan ang mga natakdan sa Lapu-Lapu City sa Pusok, Ibo, ug Agus samtang nagagikan usab ang mga nagpositibo sa Mantuyong ug Opao sa Mandaue City.
Sa Cebu City, nagagikan ang 106 ka mga kaso sa Barangay Mambaling ug adunay tagsa sa Tejero ug Suba.
Tungod niini, mipasidaan si Garcia nga pahugtan pa ang security protocols ug kasuhan og kalapasan sa enhanced community quarantine ang kinsang maka-agi pinaagi sa pag-smuggle.
