Giimbarguhan sa ilang mga lisensya ang 7 ka mga indibidwal nga gidudahan nga nalambigit sa Talisay Drag Racing nga nahitabo sa milabayng kadlawon sa Cebu South Coastal Road.
Samtang mitahan sa buhatan sa Land Transportation Office 7 ang pipila ka personahe ug mibolontaryo paghatag ug mga inpormasyon batok sa ilang mga kauban.
Matud pa ni Atty. Vincent Santiago ang Legal Council sa LTO 7 nga nakadawat siya ug kamanduan gikan ni LTO 7 Director nga i-confiscate dayon ang mga lisensya samtang magsugod na ang investigation.
Kung mamatud-an atol sa “hearing” nga nakalapas sila sa Republic Act 4136 ( Reckless Driving and Improper Person to Operate a Motor Vehicle, daku ug posibilidad nga i-revoke ang ilang mga lisensya.
Sigon ni CT-TODA chief Jonathan Tumulak, mapasalamaton sa LTO 7 sa dinalian nga aksyon sa mga tawo gidudahan nga responsabli sa drag racing sa Talisay.
Kahinumduman sa milabayng tuig, usa ka batan-on ang nakalas tungod sa drag racing sa Talisay.
Samtang mikabat na ug 19 ang makalas karong tuiga tungod sa road crash, Sagad nagmaniho ug motor.
