7 patay sa pagkahagsa sa helicopter sa Qatar, nakit-an na

Patay ang pito ka tawo nga sakay sa usa ka helicopter human kini nahagsa sa dagat duol sa baybayon sa Qatar.

Diin ang mga tawo nga sakay naglakip sa upat ka mga sundalong Qatari, usa ka Turkish serviceman, ug duha ka mga technician gikan sa Turkish defense company.

Gikumpirmar sa interior ministry sa Qatar nga ilang nakit-an na ang tanang pito ka mga patayng lawas.

Matud sa taho nga ang naasoy nga helicopter kay kabahin sa usa ka military exercise.

Diin ang Turkey adunay base militar sa Qatar sukad niadtong 2014.

Padayon pa ang imbistigasyon sa mga awtoridad aron masuta ang hinungdan sa pagkahagsa sa helicopter.