Gisikop sa kapulisan ang usa ka pensyonado sa Japan human mihimo og 24,000 ka mga complaint calls sa usa ka major telephone operator.
Base sa imbestigasyon sa Tokyo police nga nanawag ang dinakpan nga si Akitoshi Okamoto, 71-anyos, sa customer service hotline sa telephone provider nga KDDI.
Kini aron, matud pa, ipadayag ang kasagmuyo niini sa pagpanerbisyo sa maong kompanya.
Dili lang kausa, kaduha, o pipila na ka higayon, kun dili gatusan na ka higayon matag adlaw.
Matud sa tigpamaba sa Tokyo police, nga gawas sa ilang telepono, nagpadayag si Okamoto sa iyang kalagot sa kompanya ug nakahigayon pa kini og “demand” ngadto sa staff sa KDDI.
Gisaysay sa dinakpan nga namugos ang dinakpan sa pagpangayo og sorry sa telephone company staff kaniya gumikan kay nakalapas sila, matud pa, sa kontrata ug gi-hang up pa ang linya pagkahuman.
Dugang pa sa tigpamaba nga tuyo nilang gisikop si Okamoto gumikan sa “fraudulent obstruction of business” ug mag-atubang kini og tukmang kaso.
Nasayran nga nagkagrabe ug nagkakuyanap na ang social problems sa mga tigulang sa Japan.
