Nakauli na ang walo ka mga Filipino seafarer nga naluwas gikan sa nalunod nga MV Eternity C sa Red sea.
Diin sakay sila sa Saudia Airlines Flight SV870 ug nitugpa sa Ninoy Aquino International Airport Terminal 1 alas 9 sa gabii.
Mainitong gisugat nila ni Department of Migrant Workers Secretary Hans Leo Cacdac, Department of Foreign Affairs Usec. Eduardo De Vega, Overseas Workers Welfare Administration Administrator PY Caunan ug Health Secretary Ted Herbosa.
Ingon man nga makadawat ang matag usa kanila og financial assistance gikan sa buhatan sa DMW ug OWWA ug medical assistance gikan sa DOH ug uban pang hinabang gikan sa nagkadaiyang ahensya sa gobyerno.
Nipadayag usab ang DFA sa ilang kinahiladman nga pasalamat sa Kingdom of Saudi Arabia sa paghatag og visa considerations sa 8 ka Filseafarers sa humanitarian grounds.
Kahinumduman nga adunay 21 ka mga tripulante nga Pinoy ang sakay sa MV Eternity C sa dihang giatake kini sa mga rebeldeng Houthi samtang naglawig sa Red sea ug adunay kompirmadong labing menos 4 ang giingong namatay sa maong pag-atake.