CEBU CITY-Naluwas sa mga otoridad ang walo ka mga menor de edad nga biktima sa trafficking in person sa Barangay Cansojong, dakbayan sa Talisay, probinsya sa Sugbo.
Matud ni Police C/Insp Leo Deofelis, ang hepe sa Anti-Cybercrime Group sa Cebu Provincial Police Office, giingon niini nga 8 ka mga menor de edad ilang na-rescue sa kamot sa usa ka isang 30 anyos nga human trafficker.
Sigon pa ni C/Insp Deofelis nga niadtong miaging buwan pa nila gihimo ang pag-monitor sa suspek kung diin posibli matud pa nga naa na sa mga child pornographic sites ang videos sa mga bata.
Dugang pa sa pulis nga gikuhaan sa suspek og litrato ug videos ang mga bata nga naka-hubo..
Nasayran nga ipadala niini ang nakuha nga mga videos ug litrato sa iyang mga kliyente nga langyaw kung diin bayaran niini ug P5,000 ang matag bata ug dugangan pa kung mu-perform na og sexual acts.
Basi sa ilang imbestigasyon nasuta nga kanhi call center agent ang suspek ug matud pa grabe ang panginahanglan niini tungod sa iyang anxiety problem ugv aduna pay anak pa nga gibuhi sanglit usa kini ka single mom.
Sa karon naa sa kustodiya na sa DSWD ang mga naasoy nga menor de edad samtang kasong kalapasan sa Anti-Trafficking In Person Act, Anti-Cybercrime Law, ug Anti-Child Abuse Law ang atubangon sa suspek.
