CEBU – Gihinganlan isip world’s longest-serving flight attendant sa Guinness World Records ang usa ka babaye sa Boston nga nagtrabaho sa eroplano sulod sa 65 ka tuig.
Gikumpirmar sa Guinness World Records nga nagsugod si Bette Nash, 86 anyos, sa pagtrabaho isip flight attendant niadtong 1957 alang sa Eastern Airlines ug nagpadayon hangtod karon sa American Airlines nga wala’y bisan unsang lapses sa trabaho.
Gibutyag ni Nash nga gigugol niya ang kadaghanan sa iyang karera sa pagtrabaho sa New York-Boston-Washington shuttle tungod gitugotan siya nga makapauli sa gabii aron maatiman ang iyang anak nga lalaki, nga adunay disabilities.
Matod ni Guinness nga si Nash mao usab ang labing karaan nga nagserbisyo karon nga flight attendant tibuok kalibutan.
Niadtong 2017, gisaulog ni Nash ang iyang ika-60 nga anibersaryo sa kompanya.
