Saulogon karong adlawa ang ika-89 sumad katuigan sa Cebu City Charter Day rong Martes, Pebrero 24, 2026.
Ang Kagamhanang Dakbayan sa Sugbo kay nag-andam og mga nagkalain-laing kalihukan sukad pa sa nakalabayng semana sa tema nga gilatid sa kasamtangang administrasyon nga “Building a Sustainable, Smart and Inclusive Future.”
Karong buntaga adunay ipahigayon nga wreath-laying ceremony sa Plaza Sugbo isip paghandum sa mga nakatampo sa kalambuan sa syudad sa mga nakalabayng katuigan.
Inig takna sa kagabhion kay aduna sab testimonial dinner sa usa ka hotel sa syudad diin langkuban sa mga outstanding individuals and institutions lakip sab ang mga recipients sa Mayor’s Special Awards.
Tungod sa maong special non-working holiday status sa dakbayan, walay klase sa mga pampubliko ug pribadong eskwelahan sa tanang lebel subay sa mga lagda sa balaod.
Gani nataho sab sa habig sa Korte Suprema nga suspendido ang trabaho sa tanang first ug second-level courts sa dakbayan sa Sugbo sa pag-obserbar niini sa Charter Day. Apan giklaro niini nga ang mga korte kay aduna gihapon serbisyo alang sa urgent requests for bail, orders of release, writs of habeas corpus, ug susamang urgent reliefs.
Saulogon ang ika-89 nga Charter Day sa dakbayan sa Sugbo inig Pebrero 24 sukad nga nagtukod kini isip syudad niadtong 1937 subay sa RA 7287.
