Nalakip sa mga nanguna ang siyam ka mga examinee nga nakabase sa Cebu sa gipahigayon nga August–September 2026 Nurses Licensure Examination (NLE) niadtong Agosto–Septiyembre 2026, diin adunay kinatibuk-ang 28,652 ka mga nakapasar sa tibuok nasod.
Sila si Trisha Marie Beatrice Jacobo Duncano sa Cebu Normal University ug Sheena Reena Patayon Oco sa Cebu Doctors University parehong nakakuha sa ika-upat nga pwesto nga adunay rating nga 91.60%.
Samtang si Zil Casipong Sangcap sa Cebu Normal University nahimutang sa ika-lima nga pwesto nga adunay average nga 91.20%.
Si Aloha Marie Morpus Dela Peña sa Cebu Normal University ug Maral Garde Poureh sa South Western University anaa sa ika-walo nga pwesto nga adunay rating nga 90.80%.
Samtang lakip usab sa Top 10 sila Ricelle Love Boniel ug Zillah Lettice Magdagdaro Rabara sa Cebu Normal University, Vianca Abegail Torrejos sa Cebu City Medical Center, ug Jory Alterado Mahinay sa Cebu Doctors University.
Ang PNLE gipahigayon niadtong Agosto 29–30, 2026, samtang ang mga gi-postpone nga eksaminasyon gi-reschedule alang sa Septiyembre 11-12 sa Region III ug Septiyembre 12 sa Metro Manila.
