Nigawas sa imbistigasyon sa United Nation nga 9 ka mga empleyado gikan sa main agency niini, ang UN Relief and Works Agency for Palestine Refugees (UNRWA) ang posibleng nalambigit sa pag-atake niadtong Oktubre 7 ug wala na nagtrabaho sa ahensya.
Ang imbestigasyon unang gilusad niadtong Enero human giakusahan sa Israel ang daghang empleyado sa ahensya sa UN nga nalambigit sa pag-atake nga nagbilin og 1,200 ka mga tawo nga namatay sa Israel.
Pipila sa 9 ka empleyado ang gipapahawa niadtong Enero sa dihang gihimo sa Israel ang mga alegasyon ug ang uban gipapahawa human sa bag-ong mga akusasyon gikan sa Israel.
Ingon man nga anaa sa kinatibuk-ang 19 ka mga empleyado nga giakusahan sa Israel nga nalambigit sa pag-atake, ang giimbestigahan sa UN Office of Internal Oversight Services.
Sa pagkakaron, ang ahensya adunay 14,000 ka mga kawani sa Gaza.
