Luwas nga nakabalik sa nasud ang 9 ka mga overseas Filipino worker (OFW) nga biktima sa human trafficking sa Myanmar, sumala sa Department on Migrant Workers.
Gi-report sa DMW nga ang mga OFW miabot sa NAIA Terminal 3 sa Pasay City sakay sa Thai Airways, diin gidawat sila ni DMW Asec. Maria Regina Angela Galias uban sa mga representante gikan sa Overseas Workers Welfare Administration (OWWA) ug sa NAIA Task Force Against Human Trafficking (NAIATFAT).
Pag-abot nila, ang mga OFW nakadawat og inisyal nga tabang pinansyal ug suporta sa kaayohan gikan sa DMW ug OWWA.
Kadaghanan sa mga biktima nalimbongan pinaagi sa mga social media job ads nga nagsaad og taas nga sweldo isip chat support, apan sa ulahi napugos sa pagtrabaho sa mga cyber-scam center ubos sa lisod nga mga kondisyon.
Sa pagkakaron, ang gobyerno sa Pilipinas nakig-alayon sa Thailand ug Myanmar aron ipadayon ang mga operasyon batok sa mga sindikato sa trafficking.
Sukad sa 2022, ang DMW nakadokumento na og halos 2,000 ka mga biktimang Pilipino nga naluwas gikan sa mga scam hub sa Myanmar, Cambodia ug Laos.
