Nagpauwan og bala ang usa ka armadong lalaki nga miangol sa 9 ka mga tawo, lakip ang duha ka mga bata, sa water park sa Detroit niadtong Sabado sa gabii sa wala pa niya gipusil ang iyang kaugalingon human ma-corner sa mga pulis.
Gitawag sa mga otoridad ang insidente nga random gunfire ug giingon nga ilang gikorner ang suspek sa usa ka balay diin namatay kini pagkahuman nagpusil sa kaugalingon.
Gipakita sa local sheriff ang imahe sa usa ka semiautomatic rifle gikan sa sulod sa balay diin gisubay ang wala hinganli nga suspek.
Ingon man ang usa ka pistola ang nakuha gikan sa crime scene sa pagpamusil.
Gipalapdan pa ang imbistigasyon sa mga kapulisan arun masuta ang motibo sa 42-anyos nga lalaki kinsnag suspek.
Samtang, kritikal ang kahimtang sa usa ka 8-anyos nga batang lalaki human gipusil sa ulo samtang samaran usab apan stable ang iyang 4-anyos nga igsuon.
Ang ilang inahan anaa usab sa kritikal nga kahimtang, human nasamdan sa tiyan ug bitiis ug ang laing unom ka mga biktima, pulos nag-edad og 30 anyos pataas, anaa sa stable nga kondisyon.
