Labing menos 9 ka mga stall nga namaligya og pabuto ang nasunog sa lungsod sa Barili, Probinsya sa Sugbo alas 9:30 sa gabii sa Barangay Minolos, Barili, Cebu, Domingo sa gabii, Disyembre 28.
Base sa Barili Fire Station, duha ka hubog nga lalaki ang nipalit og pabuto nianang gabhiona. Apan, gidagkotan kini sa mga lalaki ang usa ka pabuto aron sulayan, nga hugot usab nga gidili.
Gilabay sa mga lalaki ang mga pabuto sa usa ka stall nga misangpot sa pagbuto og miresulta sa pag-ulbo sa maong sunog.
Gipangita sa Barili Police ang duha ka suspek, sa pagsulat niini, kinsa mitakas human sa insidente, napalong ang sunog pasado alas 10 sa gabii.
Matud ni FSSUPT. Rogello Bongabong Jr. ang Assistant Regional Director for operations sa BFP-7 nga ang wala pagsunod sa mga lagda ang nahimong hinungdan sa maong sunog
Hinungdan nga gihimug-atan niini nga gidili gayud ang pagtesting sa pabuto doul sa firecracker zones ug girekomendar nga likayan nalang ang pagpamalit niini aron mahalikay sa kadaot hilabi na sa sunog.
