90 ka aftershocks, natala human sa 5.8 magnitude nga linog sa Leyte – Phivolcs

Niabot na sa 90 ang nasinating aftershocks human ang 5.8 magnitude nga linog mitay-og sa probinsiya sa Leyte.

Matod sa Phivolcs, 28 sa nasangpit nga gidaghanon ang plotted o giila pinaagi sa duha o daghan pang pasilidad.

Ang ilang magnitude gikan sa 1.5 hangtod 2.9 magnitude.

Giklaro sa ahensya nga halos dili mabati sa mga residente, tungod kay lawom ang sentro sa linog ug anaa usab sa tubig.

Matod sa mga eksperto, posibleng motaas ang aftershocks sa mosunod nga mga adlaw.