CEBU – Gipahibaw ni Emily Malto, presidente sa 93-1 federation, nga adunay General Assembly karong adlaw ang mga benepisyaryo sa 93-1 ug Home-owners Association.
Kini aron hisgutan ang ilahang tagsa-tagsa ka baruganan kung si kinsa man gani ang angayng tabangan nga kandidato karong umaabot nga eleksyon gumikan alang kanila usa kini crucial nga panghitabo.
Dugang ni Malto nga huwaon niini ang mga kaubanan aron desisyonan kung si kinsa ang kandidato nga angayang tabangan karong piniliay kadto bang wala motabang kanila og kadtong nitabang kanila gikan palang sa sugod nga maka-angkon og titlo sa luna nga ilahang gipuy-an.
Gihimo sa mga benepisyaryo ang maong lakang gumikan taas na ang panahon nga sila gahuwat nga maka-angkon og titulo apan wala sila makadawat og klarong tabang sa mga opisyales nga nanglingkod sa lokal nga kagamhanan sa Sugbo.
