CEBU CITY-Mukabat sa 96 ka mga skilled trainees ang migradwar sa gipahigayon nga commencement exercises alang sa second tri-semester batch technical vocational education training (TVET) sa Department of Manpower Development and Placement (DMDP) sa Social Hall Legislative Building sa Cebu City Hall.
Lakip sa mga vocational courses nga ilahang gi-eskwelahan sulod sa upat ka buwan mao ang computer servicing, automotive servicing, electrical installation and maintenance ug domestic rock servicing.
Usa sa malampuson nga migradwar ang 64-anyos kinsang pinaka-hamtong nga trainee nga mi-graduate sa vocational course sa domestic refrigeration and air-condition servicing.
Matud ni Espinar nga dili babag ang iyahang pangedaron arun nga makakat-on pa og mga bag-ong skills nga mahimo niining magamit sa pag-abot sa panahon.
Gibutyag ni DMDP Head, Engr. Suzzane Ardosa, nga wala’y age limit kung kinsa ang gustong magpa-enroll sa ilahang skills training program.
Giawhag niini ang uban pa nga magpa-enroll ug mulakip sa ilahang mga programa.
Samtang, gipahibalo usab niini laing batch na usab ang magpaubos sa skills training nga magsugod karung Setyembre hangtud sa Disyembre ug abli pa gihapon ang ilahang enrollment.
Kahinumdoman nga niadtong Agosto 25, isip kabahin sa pagsaulog sa National Technical Vocational Day, ang DMDP kauban ang TESDA adunay gihimo nga local job fair diin gitawag nga “World Cafes of Opportunities”.
Suportado sa lokal nga kagamhanan ilabi na sa konseho ang tanang programa sa DMDP diin sagad niini kay in-demand gayud sa gawas sa nasud.
