(Update) CEBU CITY- Nagpagawas og reaksyon ang pro-death penalty group nga nakabased sa Visayas, ang Crusade Against Violence (CAV) nga tagaan usab og tagad ang pagbalik sa death penalty sa atong nasud subay na sa nahitabong paglogos sa 4 ka buwan nga masuso sa Sitio Dakit,Brgy.Perelos,Carcar City,Cebu.
Nasayran sa pulisya na aduna pay sagbot nga nakuha gikan sa genitalia sa bata human kini nakit-an sa awa-aw ug kasagbutan nga lugar.
Sa exclusive interview ni CAV head Thelma Chiong iyang giingong nga dili madawat ang gihimo sa suspek sa usa pa lang ka masuso.Tungod niini subli nga nanawagan si Mrs.Chiong sa re-imposition sa death penalty.
Gihimug-atan usab sa grupo sama sa Singapore nga death by hanging ang paagi sa pagbitay aron dili na usab nga makagasto pa ang gobyerno.
Si Mrs.Chiong ang inahan sa magsoon nga sila Jacqueline ug Marijoy Chiong nga gidagit ug gipatay kung diin 6 ka mga suspetsado gikan sa mga pamilyang negosyante,politiko ug lapad ang impluwensiya sa Cebu pila na ka dekada ang nakalabay.
