CEBU CITY-Nagkanayon si Ex-general ug karon Daanbantayan Mayor Vicento Loot nga wala siya nabalaka sa iyang seguridad human nga napatay sa usa ka raid ang Mayor sa Ozamis City nga si Reynaldo “Aldong” Parojinog nga usa sa mga ginganlan ni Presidente Rodrigo Duterte nga nalambigit sa iligal nga drogas.
Matud ni Loot nga wala siya nahadlok nga mahitabo kaniya ang nahitabo ni Mayor Parojinog tungod kay responsibilidad siya sa mga police sanglit kanhi siya general ug kung adunay may mahitabo kaniya, matud pa nga manubag ang kapulisan.
Dugang sa Mayor nga protector niya ang mga police.Gani, sigon pa ni Loot nga cleared naman siya sa imbestigasyon human nga gi-mention usab siya ni Duterte nga drug protector.
Sigon niya nga cleared na siya sa tulo ka issue nga mao ang pagkalambigit sa iligal nga drogas o iligal nga kalihokan, palpak sa pag-implementar sa anti-drug campaign sa DILG ug unexplained wealth niadtong November 2016.
Gihimug-atan pa niya nga bisan sa senado gikonsiderar pa siya nga biktima ug gidaot lang ang iyang pangalan.
Hinoon matud ni Loot nga andam siya nga mutahan sa iyang kaugalingon para imbestigaran kung kinahanglan aron nga malimpyo usab ang iyang pangalan.
