CEBU – Gideklarar sa oversite committee ang lain na usab nga 25 ka barangay sa kinatibuk-ang probinsya sa Sugbo, nga drug-free or drug cleared barangay.
Kini subay na sa gipahigayun nga barangay declared as drug cleared event sa capitol hall, gahapong adlawa sa capitol hall.
Gisalmotan ang maong kalihukan sa mga hingtungdan ahensya diin gipanguluhan kini sa Cebu Provincial Anti-Drug Abused Office (CPADAO) inabagan sa sakop sa PDEA-7, PNP, DILG ug DOH.
Matud pa nga gumikan sa nadungag nga barangay, sa 1,066 muabot na sa 185 ka barangay Sugbo ang gideklarar nga drug-cleared.
Sa bag-ong natala nga ihap, gilangkuban kini sa mga dapit sama sa 3 ka dapit sa dakbayan sa Danao, ang Barangay Likos, Barangay Nangka ug Barangay Kambubho.
Sa dakbayan sa Naga, ang Barangay Mayana samtang 13 ka barangay sa municipality sa Pelar.
Sa municipality sa San Francisco, ang Barangay Himinsolan ug 7 sa lungsod sa San Remigio.
Subay niini, gihimakak ni Cebu Provincial Governor Hilario “Jun-Jun” Davide III ang mga balita nga aduna silay gipaboran nga mga dapit diin gideklarar ug dali-dali para sa eleksyon.
Sanglit daghan man sila nga nagtambayayong sa pagverify sa maong dapit, una i-deklarar nga drug free.
Gipanghinaot nalang ni Davide nga masustinir sa maong mga barangay ang pagkahimo niini nga drug cleared areas ug gilauman nga mapun-an pa ang maong mga dapit.
