CEBU CITY-Posible nga ‘mentally disturbed’ kung mahulagway sa amahan og sa igsoon si Jeffrey Mendoza Cañedo ang lalaki nga napatay sa shootout sa may Cebu Archbishop Palace kagahapon.
Matud ni Retired Inspector Feliciano Cañedo, ang amahan ni Jeffrey nga but-an ang iyang anak sug posible nga tungod sa dili maayo niini nga relasyon sa iyang asawa mao nga nagsipok ang ulo niini.
Nasayran nga gusto na nga makig-annul si Jeffey sa iyang asawa tungod kay dili na niya matud pa maantos ang kina-iya niini.Saysay pa ni Feliciano nga ang iyang anak tanan ang mubuhat sa tanang lihok sa ilang pinuy-ana.
Nasayran usab nga dunay duha ka anak si Jeffrey sa iyang asawa apan matud pa ang usa ra ang gi-angkon niini.
Subay niini, dako ang pagtoo ni Feliciano nga ang annulment ang tuyo ni Jeffrey mao nga miadto kini sa Cebu Archbishop Palace.
