CEBU CITY-Dili mutoo si Senator Antonio Trillanes IV nga wala tagae og otorisasyon ni Communications Sec. Martin Andanar si Presidential Communications Group Assitant Secretary Mocha Uson nga maghisgot kalabot sa hisgutanan sa pederalismo.
Kini human nga nahimong viral ang federalism dance nga miani og sari-saring reaksyon ug gikasugo pa sa kadaghanan sa mga senador.Sa pakighinabi sa Bombo Radyo Cebu kang Trillanes giingon niini nga kung tinood nga walay pagtugot si Andanar o ang Malacañang sa naasoy nga video, nganu matud pa nga dili niini tangtangon sa pwesto ni Uson.
Angayan lang matud pa nga kung dunay kapakyasan ang usa ka subordinate kinahanglan kining tangtangon ilabina nga sa kaso ni Uson dili kini ang una nga higayon nga nasayop si Mocha.
Nagtoo ang senador nga tungod kay mismong si Duterte mas bastos pa man matud pa kaysa ni Mocha hayan pwede ra usab nga magbinastos ang mga sakop niini.
Samtang gihimug-atan ni Trillanes nga sa hisgutanan pederalismo, sa dili paman kini tukion, tubagon matud pa usa ang pangutana kung kasaligan og angayan pa nga toohan ang mga tao nga nagduso niini sama na lang ni House speaker Gloria Arroyo ug Presidente Rodrigo Duterte.
Matud sa senador nga walay laing tumong matud kini inay ang paladpadan pang ang ilang gahum ug dili ang ti-unay nga kapakannan sa mga katawahan.
Mensahe ni Trillanes sa mga Pilipini nga antuson nalang matud pa ang kasamtangang adiminsitrasyon tungod kay ang mga tao man gihapon ang mipili kang Duterte.
“Lesson learned” matud pa kini aron nga sa sunod nga piniliay tarungon na pagpili sa katawhan ang angayan nga mangulo sa nasud.
