Cebu City-Gikompirmar sa hepe sa Ronda Police Station nga si PSI Jay R Palcon nga nakabsan sa kinabuhi si Mayor Mariano Blanco, 59 anyos human kini nakigkumbati sa iyang kinabuhi sa Barili District Hospital human giingong gisulod sa mga armadong tao sa iyang opisina ug gipusil sa makadaghang higayon
Matud ni Palcon nga padayon nila nga giberipikar karon ang 4 ka tao nga una na nga nataho nga misulod sa opisina sa mayor.
Tanan usab matud pa nga anggulo ang gitan-aw nila karon samtang nagpadayon pa ang imbestigasyon.
Sa inisyal nga impormasyon, 4 ka tao ang matud pa mikanaog gikan sa usa ka van ug misulod sa opisina sa Mayor sa Ronda Municipal Building pasado ala una sa kaadlawon.
Daghang buto matud pa ang nabati sa mga empleyado niadtong higayona diin gipahapa pa kini sila sa mga gunmen para dili maapil.
Si Mayor Blanco nasayran nga naa sa listahan ni Presidente Rodrigo Duterte nga nalambigit sa iligal nga drogas hinungdan nga gitangtangan kini og police power.
Una na usab niini nga nabutyag kaniadto nga nakadawat siya og death threat ug nahadlok kini sa iyang seguridad sa dihang na-interview sa Bombo Radyo Cebu.
Nalambigit usab ang pangalan ni Blanco sa pagkamatay ni Ronda Vice Mayor Atty. Jonah John Ungab nga iyang pag-umangkon ug ang abogado ni Self- confessed druglord Kerwin Espinosa.
Iya usab nga gihimikak nga na- involve siya sa iligal nga drogas sanglit matud pa niya tiguwang na siya og bugtong ang mga negosyo lang niya ang iyang gisaligan.
