Cebu City- Mukabat sa dul-an 10 milyones ka pesos nga kantidad sa shabu ang nasakmit sa gipahigayon nga anti drug operation sa kapulisan sa dakbayan sa Sugbo.
Una niini, kagabiie, kapin 6 milyones nga kantidad sa sahbu ang nasakmit sa gipahigayon nga buybust operation sa Brgy. Kalunasan, dakbayan sa Sugbo sa Sugbo.Ang subject mao si Jomari Echaverri Castro, 24 anyos, dunay kapuyo, ug nagpuyo kini sa Sitio Kalubuhan sa nahisgutang dapit.
Matod pa sa hepe sa Guadalupe Police Station nga si PCI Jacky Bilbli nga dul-an sa 1 ka semana nilang gimonitor ang maong dinakpan subay sa nakuha nilang kasayuran gikan sa usa ka impormante. Nasayran ni Beribil, base sa inisyal nga pagpakisusi, nga gihimong drop-off point ang puy-anan ni Castro diin naay ibutang nga supply sa shabu sa ilahang panimalay ug i-pick up usab kini sa laing tawo.
Samtang ganihang kaadlawon, mukabat sa 3.9 milyones ka pesos nga kantidad sa shabu ang nasakmit sa gipahigayong operasyon sa Brgy. Pardo, dakbayan sa Sugbo
Ang dinakpan mao si Marc Aljer Rabor Romarate, 26 anyos, ug nagpuyo sa nahisgutang dapit. Matod pa sa hepe sa Pardo Police Station nga si PCI Regino Maramag nga 3 ka semana nilang gimonitor ang dinakpan ug nag-operate kini og mga transaksyon sa ginadiling drugas sa nagkalain-laing barangay sa Cebu City sama sa Ermita, Barrio Luz, Pasil, ug uban pang mag kasikbit niini. Nakuha sa kapulisan ang 3 ka extra large, 6 ka medium, ug 1 ka gamay nga pakete sa gituohang shabu, nga adunay gibug-aton nga 330 gramos.
Nagtingkagol na karon sa prisuhan ang mga dinakpan ug nakatakdang pasakaan ug tukmang kaso.
