Cebu City-Gikondenar sa National Union of Peoples Lawyer ang pagpatay kay Atty Ben Ramos kagabii sa Kabankalan , Negros Occidental.
Hustisya karon anggipanawagan sa grupong Anak Bayan, Karapatan ug NUPL. Matud ni Atty Ian Anthony Sacayan, ang Vice chairman sa Visayas NUPL, nga usa ka dakong kawad-on sa ilang grupo si Atty Ramos gumikan kay usa kini sa sinaligan sa NUPL sa tibuok Negros.
Igo lamang matud sila nga mibuhat sa ilang gisumpaan nga trabaho hilabi na pagtabang sa mga kabus ug gidaug daug nga nanawagan ug hustisya.Dako matud pa ang ilang pagtuo nga state sponsored ang maong pagpatay gumikan kay wala may personal nga nakaaaway ang biktima.
Gane pinangga pa kini sa tawo gumikan sa paghatag niini ug pro bono nga mga serbisyong legal Matud pa ni Atty. Sacayan nga human sa pag abogar ni Atty Ramos sa Mabinay 6, naapil dayon ang pangalan ni Atty Ramos sa gipagawas nga listahan sa mga otoridad sa mga miembro sa New Peoples Army kon NPA diin ang maong hulgway ang gipakatap sa tibuok Negros.
Gawas sa Mabinay 6, mitabang usab si Atty Ramos sa fact finding committee sa Karapatan sa nahitabong massacre sa Sagay City.
Nasayran nga si Atty Ramos ang founding member sa NUPL diin nahimo kining aktibo sa pagtabang sa mga kabus sukad niadtong 2007 hangtud karong tuiga.
Samtang plano karon sa National Union of Peoples Lawyer nga ibalhin ang kaso sa Mabinay 6 sa laing venue gawas sa Negros. Kini human sa pagkamatay ni Atty Ben Ramos, ang abogado sa Mabinay 6 kinsang nasikop niadtong Marso ning kasamtangang tuig.
Matud ni Atty. Sacayan nga peligro ang kinabuhi sa abogado sa maong lugar. Gibutyag usab niini nga sa umaabot nga Nobyembre 21 nakatakda unta nga mupresent ug katapusang witness ang prosecution sa gi file nga motion for bail ni Atty Ramos.
Posible matud pa nga ila kining ipa postpone gumikan sa pagpatay sa ilang abogado.Dako ang pagtuo ni Sacayan nga ang kaso sa Mabinay 6 maoy usa sa mga motibo sa krimen hilabi na ug aktibo kaayo ang biktima sa pag cross examine sa mga witnesses nga i presentar sa prosecution samtang ang wala pa may kaso nga gi file sa Sagay Massacre.
