MANILA — Lahi ang pakulo ang gibuhat sa usa ka magtutudlo sa Malabon alang sa mainiton nga pagtimbaya sa iyang mga tinun-an.
Matud ni teacher Girlie Laguerta Dela Cruz nga iya unang gipalinya ang mga estudyante sa dili pa tagsa-tagsa nga makasulod sa classroom.
Gipapili sa mga estudyante ang mga nakabutang sa signboard sa kilid sa pultahan aron makabuhat og mga pagtimbaya ngadto ni teacher.
Mamili ang mga estudyante sama sa paggakos, high-five, handshake, o fist bump.
Gibutyag ni teacher Girlie nga nakit-an lang niya sa laing nasud ang linahi nga pag-greet sa iyang mga estudyante.
Dugang pa sa maong magtutudlo nga igo lang niya nga gisundog ang maong gesture alang sa iyang mga estudyante.
Nabantayan ni teacher Girlie nga epektibo ang maong matang sa pagtimbaya sanglit makapadasig kini sa pagtungha.
