Nahupay ang gibati sa pamilya sa usa ka 15 anyos nga teenager sa estado sa Kansas human nga nakuha sa mga doktor ang 10 ka pulgadang kutsilyo nga nitaroy sa nawong nga milahos sa utok sa batan-ong lalaki.
Ang batan-on ang naila nga si Eli Gregg kinsang nakigduwa lang matud pa sa laing mga bata sa dihang nabati-an nalang kini sa iyang inahan nga misyagit na.
Sa dihang gi-adto sa inahan si Gregg nakit-an nalang kini nga nagkadugo ug dunay kutsilyong nagtaroy sa nawong niini.
Nasuta nga nagunit ang teenager sa maong kutsilyo sa dihang nadagma kini ug natusok ang nawong sa kutsilyo nga milahos sa iyang kalabera ug niabot sa utok.
Dali nga gidala sa hospital ang biktima.Apan gi-istudyuhan pa usa kini sa mga doktor sa kabalaka nga kung tangtangon ang kutsilyo ang damage niini makamugna og stroke sa biktima.
Apan naswertehan ang maong batan-on human nga malampuson nga naibot ang kutsilyo human nga nasuta nga dili dako ang damage niini sa internal.
Luwas na kini sa makuyaw nga kahimtang ug padayon nalang nga nagpaalim sa tambalanan.
